Egunsentian: Televisión Españolarako orkestraturiko bertsioa

KONEKTATU

Asteazkena, 2009(e)ko SEPTEMBER(r)en 16-(e)an 23:06etan

sp009_thum_prix
Ostiral honetan, irailak 18, eta lehen aldikotz azkeneko 40 urte hauetan, The Sparteens taldearen kanturik ospetxuenaren bertsio orkestratua plazaratuko da. Hala nola, Egunsentiaren hasierako bertsioaren erritmoek Europa osoko uhinak xarmatu ba zituzten ere, Televisión Españolako bigarren katearen estreinurako grabatutriko bertsioa askoz ezezagunagoa dugu.

1966: Beraien agenteak, Rémi Rivers, berriro ere konbentzitu ditu: taldeko arrakastarik haundieneko bertsio orkestratu bat grabatzea «The Slippery Twist Orchestra» osoarekin bat. Pozaren pozez hasiko dira behin ere Paul, Douglas, Maribel eta Sardock elkarlanean, are eta gehiago orkestra famatuaren hain talentudun diren musikariekin lan egingo dutela jakinda. Berriro elkartaratzeak sortutako momentu xamur hoien zirrarak isladatzen dira egundoko obra honetan, freskotasun, nostalgia eta pozez kutsaturik. Hala eta gustiz ere The Sparteens taldeak abesti horren inguruan dagoen misterioa elikatzen segitu izan du beti. Oroitu zaitezte; Maribel eta Douglas-ek ez dute inoiz letra horren esanahi zeatza argitu izan nahi. Ausentzia ? Sekretuan mantenduriko amodiozko haustura bat ? Taldearen banantzearen premonizioa ? Egun, oraindik, garaiko prentsa arrosak eguneratutako maitasun historio hipotetikoa aipatzen zaionean, Maribel gorritu eta neskatxo bat bezala Douglas-en atzean eskutatzen da. «Sex sukarra», «Sex ukana», «sexu gara», «sexukada», «sexu ikara»... ze misterio izkutatzen da hitz hoien atzetik ? Dena dela, beraien zalerik sutsuenak pozez kausituko dute 1966ko azaroan grabaturiko bertsio orkestratu hau, bereziki masterizatua gaur egungo teknologiari esker.

Singelak, ohitura bihurtu denez, opari praktiko bat dakar. Oraingoan karta postal sinpatiko bat eta uda bateko maitasun bat hausteko esaldi fresko eta zirtokarientzako ideiez osaturiko «Haustura Kit-a» dakar. Bertan azaltzen zaigu nola bukatu zure nobia edo nobioarekin era leun batez eta aurpegia galdu gabe.
Berriz ere mila esker The Sparteens !

Salmenta guneak:
Hendaia: Kanttu, Barouf
Garazi: Kalaka, Chez Luis
Ziburu: Tana, Bittor, Kofiteria
Baiona: Kixkil, Sankara, Elkar Megadenda, Numéro Zéro
Irun: Bloody Mary
Donostia: Beltza Record
Iruña: Cantabric Records

Design & prog: info@inguma.net - www.inguma.net
Valid XHTML and CSS.

NEWSLETTER

KONEKTATU